Etxebarriko Jarduera Fisikorako Orientazio Zerbitzuak (JFOZ) seigarren urteurrena ospatzen du, udalerriko biztanleriaren jarduera fisikoa sustatzeko ekimen eraginkor gisa sendotuz. “Etxebarri Martxan” osasun-sarearen parte den programa honek, pertsonen bizi-kalitatea hobetzeko helburua du.
Azken urtean 115 pertsona berri batu dira zerbitzura, eta horietatik % 62,6 emakumeak izan dira. Parte-hartzaileen batez besteko adina emakumeen kasuan 55 urtekoa izan da eta gizonen kasuan 49 urtekoa.
Programa honek herritarren beharretara egokitutako hainbat jarduera eskaintzen ditu, hala nola indar-zirkuitua, ibilaldiak, igerilekua, artikulazio-mugikortasuna eta erlaxazio-teknikak. Erabiltzaile bakoitzak plan pertsonalizatua jasotzen du JFOZko dinamizatzailearen eskutik, eta jarraipena Udal Kiroldegiko profesionalek egiten dute.
Etxebarriko Udalak zerbitzu honen aldeko apustua egiten jarraituko du, herritarren beharretara egokitutako ariketa-programetarako sarbidea errazteko.
Prentsa-oharra osorik irakurri dezakezu hemen.