Nola parte hartu

Mugiment egitasmoan parte hartzea irekia da. Gizarte aktiboa lortzearen alde lanean ari diren eragile orok parte har dezake Mugiment egitasmoan, Mugiment sustatzaile bihurtuz.

Mugiment sustatzaile izateko, bi baldintza bete behar dira:

• Gizarte aktiboa lortzeko lagungarriak izan daitezkeen ekimenak sustatu behar ditu erakundeak (24 orduko mugimenduaren edozein aukera landuz: jarduera fisikoa, sedentarismoa edota loa). Ekimen hauetako batzuk izan daitezke esaterako, orientazio zerbitzuak eta sareak edota Kiroltxartela Mugiment.
• Mugiment sustatzaile bihurtu nahi dutela guri adierazi.

Mugiment sustatzaileei gomendatzen zaie Mugiment egitasmoaren sustatzailea direla publikoki erakustea. Hau egin daiteke modu orokorrean (esaterako erakundearen webgunean Mugiment logoa erakutsiz) edo sustatzen dituen ekimenetako informazioan horrela adierazita.