Joan den urriaren 30ean, Valentziako Jarduera Fisikoaren eta Kirolaren Zientzien Fakultateak Jarduera Fisikoaren Preskripzio Planei buruzko III. Jardunaldi Nazionalak antolatu zituen, autonomia-erkidego ezberdinetako programen artean esperientziak partekatzeko. PAFES (Katalunia), Activa Murcia, El ejercicio te cuida (Extremadura), Mugiment (Euskadi), Boles (Balear Uharteak), Adestra a túa Saúde (Galizia), Preskripzioa Plana (Madrilgo Erkidegoa) eta En Moviment (Valentziako Erkidegoa) bezalako ekimenek parte hartu zuten.
Jardunaldiak bi ardatz nagusi izan zituen:
- Preskripzio-planak ezartzeko esperientziak, emaitzak eta zailtasunak partekatzea.
- Etorkizuneko estrategiak lantzea, koordinazio soziosanitarioa eta profesionalen zeregina nabarmenduz eta "En Moviment" aplikazioa bezalako tresna digitalen erabilera.
Gure aldetik, Mugiment Ekintza Planaren ordezkari gisa parte hartu genuen, Euskadin garatutako eredua eta urte hauetan ikasitako aurkeztuz. Preskripzio-prozesuan sakondu genuen, sarea osatzen duten eragileen arteko lankidetzan, bai eta datozen urteetarako ditugun erronka eta bultzatzaile estrategikoetan ere.
Hemen duzue erabilitako aurkezpena.
Amaitzeko, eskerrak eman nahi dizkiegu antolakuntzari, hizlariei eta bertaratu zineten guztioi partekatutako espazioagatik, erakutsitako interesagatik eta truke profesionalaren kalitateagatik. Benetan atsegina izan da jardunaldi honen parte izatea.